عمرو عابدين ينعي عزت العلايلي: عمره مافوت واجب أبدًا.. وكريم لأقصى درجة

المصرى اليوم 0 تعليق ارسل طباعة تبليغ حذف

لاقتراحات اماكن الخروج

كشف المخرج عمرو عابدين عن موقف قام به الفنان الراحل عزت العلايلي يكشف عن طيبته ودماثة خلقه.

عمرو عابدين وعزت العلايلي خلال تصوير "وعادت القلوب"

وحكى «عابدين» ناعيا «العلايلي»، عبر حسابه على موقع «فيسبوك»: «النجم الكبير عزت العلايلي..حزنت كثيرا لرحيلك..كنت لي نعم الأب ومثال للفنان الكبير الذي يحترم نفسه وجمهوره..تعلمت منك الكثير وتركت داخلي الكثير..ولن أنس اتصالك الدائم بي..أفتقدك وأدعو لك بالرحمة».

عمرو عابدين وعزت العلايلي

وتابع المخرج عمرو عابدين: «كنت طالبا صغيرا أدرس السينما.. وكنا نذهب للاستديوهات لنتمرن وتزيد خبرتنا..ورأيت هذا الرجل دمث الخلق أول مرة وهو يصور فيلمه (المواطن مصري) مع عمر الشريف إخراج الأستاذ صلاح أبوسيف.. ومرت السنين..وأخرجت فوازير جيران الهنا..ثم اكتشفت أن الأستاذ عزت العلايلي يشكر في شغلي على صفحات الجرائد..وكان شيئا عظيما بالنسبة لي..ثم مرت السنين وتمنيت أن يكون بطلا لمسلسلي (وعادت القلوب)..ووافق الأستاذ بالفعل وشرفني..وزادني الشرف بوجود نجوم كبار جدا في هذا العمل».

عمرو عابدين وعزت العلايلي

واستكمل «عابدين»: «واقتربنا من بعض جدا..خصوصا وأننا برج العذراء..وكنا فاهمين بعض جدا..في كل حاجة ماعدا حاجة واحدة..أن الأستاذ كان ليه معجبات كتير جدا..وأنا كنت بنفسن عليه جدا طبعا..وكنا بنضايق بعض أو بنغيظ بعض..بس كان هو ديما اللي يكسب..على الجانب الفني كنت فرحان جدا بشغلي الفنان العملاق اللي عمل عشرات الأفلام اللي اتصنفت من أهم 100 فيلم في تاريخ السينما المصرية..زي الأرض..السقا مات..الاختيار..اسكندرية ليه..وكتير من الأعمال العظيمة.. أما على المستوي الإنساني.. أحدثكم ولاحرج.. هو رجل مجامل لأقصى درجة..عمره مايفوت واجب ابدا..وكريم لاقصي درجة.. مرة عجبتني سيارته المرسيدس..رحت قلت له بقولك ايه عربيتك دي بقالها عشر سنين معاك..أنا عايز اشتريها..وانت هات الزيرو الجديدة..انت عزت العلايلي مايصحش تركبها تاني..قالي ناقص تقولي هتدفع كام..وأنا طبعا عملت المؤدب والكيوت..قلت..لاء حدد انت المبلغ بس تراعيني..راح طلب مبلغ معين عشان خاطري.. قلت أوك..بس تصبر عليا شهر أجيبلك الفلوس كاملة..وأداني كلمة ..العربية بتاعتي..حتي لو كملت الفلوس بعد سنة«.

وتابع «عابدين»: «العجيب ..والمفاجأة ..رحت بالفلوس بعد شهر بيته في دريم..وقدمت الفلوس ناقصة كمان عشرة آلاف جنيه..وطلبت منه يطلع الصبح على نادي الجزيرة يعملي التوكيل.. راح ضاحك..وفتح درج مكتبه..وطلع التوكيل جاهز.. وأبص في التاريخ..الاقيه عملي التوكيل بالبيع من شهر فات من غير مايقولي..يعني بمجرد ماتكلمنا واتفقنا..عملي التوكيل من غير ماياخد فلوسه..ايه الثقة دي؟«.

واستطرد :«يعني هو ده اللي يتقال عليه كلمة الرجال عقد..بس ببساطة..هو ده الراجل المصري الأصيل.. الشهير بالنجم عزت العلايلي«، واختتم المخرج عمرو عابدين حديثه عن الفنان الراحل عزت العلايلي :«عايز اقولك بحبك بحبك..ربنا يرحمك ويغفر لك».

  • الوضع في مصر

  • اصابات

    168,057

  • تعافي

    131,211

  • وفيات

    9,512

أخبار ذات صلة

0 تعليق